Нацыянальны драматычны тэатр Літвы
![](http://upload.wikimedia.org/wikipedia/commons/thumb/1/19/Lithuanian_National_Drama_Theatre_in_Vilnius%2C_Lithuania_in_2023.jpg/220px-Lithuanian_National_Drama_Theatre_in_Vilnius%2C_Lithuania_in_2023.jpg)
Нацыянальны драматычны тэатр Літвы (літ.: Lietuvos nacionalinis dramos teatras) — тэатр драмы ў сталіцы Літвы, Вільнюсе, заснаваны ў 1940 годзе. Размяшчаецца па адрасе праспект Гедыміна 4 (Gedimino pr. 4). Сімвалам тэатра з'яўляецца скульптурная кампазіцыя «Тры музы» аўтарства Станіславаса Кузмы.
Гісторыя
[правіць | правіць зыходнік]Заснаваны ў 1940 годзе, адкрыўся 6 кастрычніка 1940 г. спектаклем «Надзея» (або «Згуба „Надзеі“») паводле п'есы Г. Геерманса ў пастаноўцы рэжысёра Р. Юкнявічуса. Першапачаткова тэатр размяшчаўся ў будынку па адрасе Басанавічаус 13. У сваім цяперашнім будынку, на праспекце Гедыміна, тэатр размяшчаецца з 1951 года.
Падчас Другой сусветнай вайны тэатр дзейнічаў як Вільнюскі гарадскі тэатр.
- У 1944—1947 гг. — Вільнюскі дзяржаўны тэатр драмы (Vilniaus valstybinis dramos teatras).
- У 1947—1955 гг. — Літоўскі дзяржаўны тэатр драмы (Lietuvos valstybinis dramos teatras).
- У 1955—1988 гг. — Літоўскі дзяржаўны акадэмічны тэатр драмы (Lietuvos valstybinis akademinis dramos teatras).
- З 2005 года Літоўскім нацыянальным драматычным тэатрам кіруе (генеральны дырэктар) Адольфас Вячэрскіс (Adolfas Večerskis).
У рэпертуар уваходзяць як творы класікаў (Сафокл, Шэкспір, Дастаеўскі, Чэхаў, Лорка, Бекет), так і працы сучасных драматургаў, уключаючы літоўскіх аўтараў.
У 2001 годзе Літоўскі нацыянальны драматычны тэатр увайшоў у склад Еўрапейскай Тэатральнай Канвенцыі.
Спасылкі
[правіць | правіць зыходнік]- Афіцыйны сайт тэатра (на літ. і англ. мовах)